«Теория мен практиканың айырмашылығы – тәжірибеде

«Теория мен практиканың айырмашылығы – тәжірибеде. Теория деген не? Өткен ұрпақтардың жинаған іс-тәжірибесі. Практика деген не? Өзіміз жинақтайтын іс-тәжірибе. Теорияны да, тәжірибені де ескерген жөн. Теориямен нығайтылмаған тәжірибе ешқашанда тиімді болмайды, қандай тақырыпта сөз қозғалса да. Ресей жазушысы В.Афанасьев.

Қ. Дүтбаева атындағы Атырау гуманитарлық колледжі директорының өндірістік- тәжірибе жөніндегі орынбасары Мұқсиева Нұргүл Еділқызының және практика жетекшісі Жұмағалиева Назым Алтайқызының, Багитова Айнұр Багитовнаның ұйымдастыруымен 2021 жылдың 5 наурыз күні "Мектеп" бөлімі,"Математика пәні мұғалімі" мамандығының 4(9) мт тобының "Дипломалды практикасы: оқытудың қазіргі әдістері мен технологиялары" тақырыбында дипломалды практикасының қорытынды конференциясы ZOOM платформасында өтті. Конференцияға 4(9) мт тобының білім алушылары, практика жетекшілері, оқытушылар қатысты. Конференция барысында Жүнісқалева Диляра топ студенттеріне жалпы шолу жасаса, Нұрлыбек Шахризада практика бойынша SWOT талдау жасады. Кайпкалиева Нурай қашықтықтан оқыту кезіндегі қолданған тиімді технологияларымен бөлісті.