БІР ТӘЖІРИБЕ ЖЕТІ ДАНА ІЛІМНЕН ДЕ МАҢЫЗДЫ

«Филология» бөлімі, «Қазақ тілі мен әдебиеті» мамандығы, 3(9)ЖК тобының студенттері «Байқау» практикасының қорытынды конференциясын өткізді. Әдіскер: Қалағанова Гүлнар Салахадинқызы.

Конференция барысында машықкерлер тәжірибе кезінде өткізген сабақтарынан үзінді көрсетті. Тәрбиелік, пәндік шараларда қолданған әдістерімен таныстырып, теориялық білімдерін практикамен ұштастыра алды.

Директордың өндірістік тәжірибе жөніндегі орынбасары Нұргүл Еділқызы және бір топ әдіскерлер қатысып, өз пікірлері мен ұсыныстарын айтты. Болашақ мамандарға сенім артып, қолдау білдірді.

Қаладағы Мақаш Бекмұхамбетов атындағы мектепте тәжірибеден өткен студенттер шара соңында практика қызықтары туралы айта келіп, ән жазып, көңілді әуенмен аяқтады.